ബലൂണ്‍

ചുരുണ്ടു ചുരുങ്ങിയ ജീവനറ്റ നിന്നെ
എന്റെ പ്രാണവായു കൊണ്ട് ഞാൻ ഊതി വീർപിച്ചു
നിനക്കു തരാൻ എന്റെ പക്കൽ
ഇനിയും ഒത്തിരി ബാക്കി നിൽക്കെ
എന്റെ ജീവശ്വാസം ഒരിത്തിരി കൂടി
ഉൾകൊള്ളാൻ വയ്യാതെ നീ പൊട്ടിതെറിച്ചു
ഞാൻ കണ്ടു, നിനക്കൊപ്പം ചിതറി തെറിച്ച
എന്റെ ആത്മാവിന്റെ കഷ്ണങ്ങൾ
എന്നിട്ട് അത് അന്തരീക്ഷത്തിൽ അലിഞ്ഞു ഇല്ലാതായി
ബാക്കിയുള്ള എന്റെ ആത്മാവ് വികലവും.