കവി അല്ല ഞാൻ വെറുമൊരു കാമുകി മാത്രം 

വാക്കുകൾ ആണ് എന്റെ കാമുകൻ 

എന്റെ ആത്മാവിന്റെ ചുടു  നിശ്വാസങ്ങളാണ്

ഞാൻ അവനു നൽകിയ പ്രേമസമ്മാനം 

ചിലപ്പോൾ മാത്രം കവിഞ്ഞൊഴുകുന്ന

ഒരു നീരുറവയാണ് എന്റെ മനസ്സ്

 ചിലപ്പോൾ എത്ര കുടിച്ചാലും മതിവരാത്ത

വരണ്ടുണങ്ങിയ മരുവും

ചിലപ്പോൾ പനയോലകളിൽ

ആർത്തുലയുന്ന കാറ്റും 

ഋതുവിന്റെ വ്യതിയാനങ്ങൾ പോലെ മാറുന്ന

മനസ്സിന്നൊട് ഒത്തുപോകാൻ ആകില്ലത്രെ അവന് 

കമ്മിറ്റ്മെന്റ് ഫോബിക് എന്ന് എന്നെ വിളിച്ചു

അവൻ പോയി; താത്കാലികമായോ എന്ന് പറയാതെ

ഇന്ന് പെയ്യുന്ന മഴക്കാറുകളിൽ ഒളിച്ചിരുന്നു

പെയ്തിറങ്ങുമോ അവൻ വീണ്ടും?

ഞാൻ കാത്തിരിക്കുകയാണ് ..